ازاى تنجح في 7 خطوات

 النهاردة هقولك ازاى تنجح في 7 خطوات النجاح ده ممكن يكون في دراسة او في شغل او في الحياة عامة في دى 7 مفاتيح سهلة وبسيطة وهتخليك تنجح بسهولة بس خليك عارفها كويس.

المفتاح الأول الدعاء 

والدعاء جاى في الأول لانه مهم جدا الدعاء هو الى بيغير القدر فلازم تدعى رنا ادعى وتضرع وقول الي في قلبك يارب نفسى انجح يارب بايدك كل شئ نحجنى ووفقنى والتمس اوقات الاستجابة وخليك لحوح مش تدعى مرة وخلاص لا الح في الدعاء واطلب من قلبك واطلب كتير كل الي نفسك فيه فخزائن الله مليانه مش بتخلص ( معلش الموضوع بالعامية شوية وده لانى بكتب بحماس شوية ياريت تغزرونى ويارب  يكون واصلكم الحماس)

المفتاح الثانى متياسش

حاول اقع وقوم واقف تانى عافر متياسش افتكر كام من مرة وقعت ورجعت واقفت تانى وكنت اقوى من الاول افتكر أن القنوط من رحمة ربنا حرام سيدنا ابراهيم لما جاتله البشري باسحاق عليهما السلام قالت الملائكة بشرناك بالحق فلا تكن من القانطين قال ومن يقنط من رحمة ربه إلا الضالون  فالقنوط او الياس من علامات الضلال  ونعوذ بالله ان نكون القانطين.

 المفتاح الثالث  حط هدف ورا هدف ورا هدف

انت ممكن يكون عنك حماس زيادة وعايز تذاكر وتخلص الكتاب النهاردة لكن ده غير منطقي ان الكتاب يخلص في يوم لكن ممكن تخلص وحدة او فصل النهاردة والتانى بكرة التالت بعده فالكتاب خلص اخد ثلاث ايام بس انتهى  وهكا في حاجات كتير  سواء شغل او هدف و الاستمرار اهم يعنى انك تستمر وتاكر كل يوم فصل افضل من انك تذاكر النهاردة  فصلين وتقعد اسبوع مش بتذاكر بسبب انك اجهدت شوية مش معنى كده انك لو عندك القدرة تكسل لا بس استمر وكمل متقفش.

المفتاح الرابع وده مهم جدا  متتغرش

اكبر سبب من اسباب الفشل هو الغرور او انك تحس انك كده عملت كل حاجة او بقيت اشطر واحد خليك ديما فاهم وفاكر ان فوق كل ذى علم عليم واننا في الدنيا بنتعلم طول ما احنا عايشين فحكاية انك وصلت للقمة دى مش صح لان مفيش قمة وان العلم ده بايد ربنا عز وجل يعطيه لمن يشاء وان سيدنا موسي وهو نبى عليه السلام علمه الخضر فمتتغرش أو تحس انك كده خلاص عرفت كل حاجة سواء مذاكرة بقى او شغل استمر وكمل واتعلم .

المفتاح الخامس ابعد عن المحبطين 

اوعى تفتكر ان المحبطين دول في حياتك انت وبس المحبطين دول موجودىن في حياتنا كلنا لكن في الى بيعرف يرمى كلامهم ورا ضهره وفي الي بيركز فيه ويكرر ويحبط وييأس فابعد عنهم اورمى كلامهم ورا ضهرك .

المفتاح السادس اتمسك بحلمك بهدفك

متخليش الدنيا تشغلك وطبعا المشغلات كتير مواقع التواصل الى ممكن تقعد عليها بالساعات وبعدين تقول معنديش وقت لا اقفلهم يوم وهتلاقي الوقت كتير .

المفتاح السابع والاخير 

شكر الله عز وجل علي النعم ربنا عز وجل بيقول ولئن شكرتم لأزيدنكم فحليت كويس قول الحمد لله من قلبك وكررها كتير وهى طالعة كده من القلب وربنا هيزيدك من نعيمه وفي النهاية الحمد لله دائما وايدا اللهم لك الحمد خمدا طيبا كثيرا مباركا فيه.